Isang araw, nabalitaan ni Dyiniper na magkakaroon ng isang Kakornihan shower na magaganap sa himpapawid. Sa kanyang pagnanais na masolo ang lahat ng kakornihang babagsak sa kanilang barangay ay nagpamahagi siya ng isang maling balita na bawal lumabas ng bahay sa araw na iyon dahil MALAS ayon daw sa Feng Shui. At dahil utu-uto ang kanyang mga kapitbahay ay sinunod naman siya ng mga ito at humingi pa ng favorness chenes na parang ganito:
"Dyiniper, favor naman oh. Bait yan... Paki-lock naman 'yung bahay namin sa labas para 'di kami makalabas, 'ayt?"
Siyempre, buong puso niyang ginawa ang favorness chenes na gano'n. At! Dumating na nga ang pinaka-aasam na sandali ni Dyiniper: ang pagsabog ng kakornihan mula sa kalangitan. Ganadong ganado si Dyiniper nang ilabas niya ang lahat ng kanyang balde at planggana for more chances of winning -- este CATCHING pala the kakornihan from the skies. At kung sakaling hindi naman masalo ng balde at planggana ang kakornihan, mayroon naman siyang reserbang ropero kasi daw baka mabunot siyang homepartner. Wala nang tao sa kapaligiran, NGUNIT upang makasiguro na siya lang at wala nang iba pang sasalo ng mga bumabagsak na kakornihan, hinawi niya ang paligid at buong tapang na sinabing: "MINE!!!"
Tagumpay si Dyiniper sa kanyang hangarin. At dahil natuwa ang langit sa kanyang pagiging masigasig ay binigyan siya nito ng isang napaka-korning gantimpala: ang bonggang bonggang German Accent.
-The End-
DISCLAIMER:
Ang akdang ito ay pawang kathang isip lamang. Anumang tao, bagay, pook o pangyayari na may pagkakahalintulad sa totoong buhay ay hindi sinasadya nina Kate at McRey at lahat ng ito ay nagkataon lamang. Pramis. Walang nangyaring ganito sa may bandang Morayta.
0 comment(s):
Post a Comment